થોડી ખાટી, થોડી મીઠી- જાગૃતિ દેસાઈ શાહ


મારી યાદોના સુંદર પડાવ કે પછી મારી સુંદર યાદો નો પડાવ”

જયશ્રી મરચંટનો ઉત્સાહ એમની ઉમરથી ડબલ કે ટ્રિપલ સ્પીડથી ભાગે છે. એમણે દાવડા સાહેબનું આંગણું મહેકતા રાખવાનું બીડું ઝડપ્યું છે, અને, મારા જેવા એમની ઝડપમાં આવી ગયાં! એમણે મને કહ્યું કે, ‘તું લખ.’ અને મને પણ એમ થયું, કે, ચાલો એમની ઈચ્છાને માન આપી ને કૈંક લખીએ. દાવડા સાહેબનું મૃત્યુ થયું અને એમણે એક ખરા અર્થના મિત્ર ખોયા. પણ જતા જતા માણસ કેવું સર્જન મૂકી જાય કે એમના ગયા પછી પણ એમની સાથે શબ્દોના સંબંધ અવિરત જ રહે છે.

બે અઠવાડિયાના ગેપમાં થોડાક ટેક્સ્ટ મેસેજ આવ્યા અને રીમાઇન્ડર પણ આવ્યા કે તારો લેખ ક્યાં છે?  જયશ્રી આંટીના ફોન પણ આવ્યાં, એટલે હવે તો લખવું જ પડશે! રેડિયો જોકી તરીકે જયારે પણ યાદો અને પ્રસંગો કહું ત્યારે લોકો ને બહુ ગમે છે. તો ચાલો, આજે મારી જીવનની ડાયરીના ખુશનુમા પાનાં તમારી સાથે શેર કરું છું.

બોલીવુડના યુવાન હોનહાર અને સફળ હીરો, સુશાંતસિંહ રાજપૂતે અચાનક જ ‘સો સેઈડ સુસાઈડ’ કર્યો અને માનવામાં નથી આવતું કે એક ધબકતા, ઉત્સાહથી સતત રણકતા યુવાનનું આમ મૃત્યુ થયું. એના પછી બધાને ફિલ્મ જગત માટે બહુ બધી ગેરસમજ ઊભી થઈ ગઈ છે.  જે પણ થઈ ગયું તે કોઈ પણ રીવર્સ ન કરી શકે પણ થોડી પોઝીટીવીટી આપણા જીવનમાં આશાનો સંચાર તો કરી શકે કે બોલીવુડમાં સારા માણસો, કેરીંગ માણસો પણ છે, અને, મારી પાસે સારા, ઘણા સારા અને બહુ જ સરસ એવા પ્રસંગોની હારમાળા છે.

એક સ્ત્રી તરીકે, ઘણા સેલેબ્રીટી, Colleagues પર ક્રશ રહ્યો હતો, છે અને રહેશે એની ખાતરી છે. આ લીસ્ટમાં   વિનોદ ખન્ના, બલરાજ સહાની, રાજીવ ખંડેલવાલ જેવાં અનેક નામ છે.
આજે તમારા સહુ સાથે રાજીવ ખંડેલવાલની વાતો કરવાનું મન છે.
રાજીવ ખંડેલવાલ અત્યંત ઈન્ટ્રોવર્ટ, ખુબજ હેન્ડસમ અને ખુબજ પ્રતિભાશાળી વ્યક્તિ છે. એની સીરીયલ “રિપોર્ટર” પછી મેં નક્કી કર્યું કે મારે એને કોઈ પણ રીતે મળવું જ છે, પણ મને એનો ફોન ન મળ્યો, પણ એના મેનેજરનો મળ્યો. મેં એના મેનેજર અજય છાબરિયાને ફોન કર્યો અને પછી તો, રાજીવની અને મારી દોસ્તી થઈ ગઈ. રાજીવની અમેરિકાની આવી જ એક વિઝિટ દરમિયાન, મેં અમેરિકામાં એની ક્લબિંગ પાર્ટી ગોઠવી. એની સાલસતાને કારણે, એની સાથે જાણે વર્ષોના મિત્ર હોઈએ એમ મન મળી ગયું. એ સમયના ગાળામાં, અમે 5-6 દિવસ સાથે વિતાવ્યા અને બહુ મઝા કરી.
એની પાસેથી હું ઘણું શીખી, અને આજે પણ એની બે શિખામણનું પાલન કરું છું. એક, ડીશમાં ખાવાનું ના છોડવું અને બીજું ગાડી ચલાવતી વખતે ફોન પર વાત ના કરવી. ફોન જો વાપરવો પડે તો bluetooth પર વાપરવો. સેલ ફોનમાં ફોટા કેવી રીતે એડિટ કરવાના, એ પણ એણે સમય લઈને ધીરજથી શીખવાડ્યું

એક વખત અમે હોટેલમાં લંચ પર ગયા હતાં. મેં મારા માટે સલાડ ઓર્ડર કર્યું તો ખરું પણ પછી, એ સલાડ એકદમ સ્વાદ વગરનું હોવાથી મને જરા પણ ના ભાવ્યું. એવી કોઈ શક્યતા નહોતી કે હું એ સલાડ ખાઈને પૂરું કરું.  રાજીવે જોયું કે હું ચમચા સાથે રમત રમતી હતી, એક ક્ષણમાં એને મારી સલાડની પ્લેટ એના તરફ સરકાવી અને મને કહે, “તું અજ્જુ સાથે ડીશ શેર કરી લે, પણ ખાવાનું નહીં ફેંકવાનું કે વધારવાનુ.” આખું સલાડ એણે પૂરું કર્યું, આમ જુઓ તો મારુ વધેલું જ ને!!!
મારું નામ એણે હરફાન મૌલા પાડેલું.
મને હંમેશા લાગતું કે એ બહુ ડિસ્ટન્સ રાખે, રિઝર્વડ રહે. મને એમ કે celebrity આવા જ હોતા હશે. આપણને એ ગમે એટલે જરૂરી થોડું છે કે એ પણ આપણને એટલા જ મહત્વના ગણે? પછી, તો ખબર પણ ન પડી કે ક્યારે રાજીવ અને એનો મેનેજર, અજયનો ભારત પાછા જવાનો સમય આવી ગયો! હું અને મારા પતિ નીલેશ એમને એરપોર્ટ પર મૂકવા ગયા હતા. એરપોર્ટ પર અજય સિગારેટ પીતો હતો એટલે મે એને કહ્યું કે મને જરા cigarette પકડવા દે અને ત્યારે પહેલી વાર મેં રાજીવને ગુસ્સો કરતા જોયો! નિલેશને કહે, ‘તારી વાઇફને અક્કલ નથી. કોઈ દિવસ દારૂ કે સિગારેટ નથી પીતી અને આજે એને સ્મોક કરવું છે?’ મને પણ એના તરફથી પસ્તાળ પડી અને પછી બધું ઠરીઠામ થયું, ત્યારે મેં એને કહ્યું કે મારે તો ખાલી ફોટો પડાવવો હતો. તો મને કહે, ‘પણ તારે સ્મોક કરતી હોય એવો ફોટો પણ કેમ પડાવવો છે? શી જરૂર છે એની?’  ચાલો પત્યું. કોણ જાણે કેમ, પણ મને એમ થયું કે રાજીવે છુટાં પડતાં પહેલાં મને દિલથી ‘થેન્ક યુ’ અને ‘આવજો’ પણ ના કહ્યું!  થોડીવાર પછી પ્લેનમાંથી ખુબજ ઇમોશનલ ટ્વીટ કર્યું અને મેં એ ટ્વીટ કમ સે કમ પચાસ વાર વાંચી. ત્યારે વિચાર આવ્યો, કે, આપણે ઉતાવળમાં, લોકો વિષે કેટલી ખોટી ધારણા બાંધી લઈએ છીએ અને મનમાં પૂર્વાગ્રહ અથવા અસલામતિ કે પછી કદરદાનીના અભાવને પાળી લઈએ છીએ?
પછી એ લોકો પણ ભારત દેશ પાછા ફર્યા અને વાતોનો દોર ઘટ્યો, બસ, ક્યારેક જન્મદિવસ ની શુભકામના અપાય. અમારો એક હિસાબ પણ પતાવવાનો બાકી હતો, એટલે રાજીવ વારંવાર કહેતો કે તને કેવી રીતે પૈસા પહોંચાડું. રકમ બહુ નાની હતી એટલે મેં કહ્યું, ‘રહેવા દે, સમય મળે ત્યારે હું લઈ લઈશ.’

એક દિવસ અમસ્તા જ એની સાથે વાતો કરતી હતી ત્યારે એને એની મમ્મીની તબિયત વિષે એણે ચિંતા વ્યક્ત કરી. મે પણ એને કહ્યું કે, ‘હું તારી ચિંતા સમજી શકું છું.  મારા પપ્પા તારા ઘરની બાજુમાં જ રહે છે અને મને પણ એની ચિંતા રહે છે.’ ફોન મૂક્યા પછી, થોડા સમય બાદ મને યાદ આવ્યું કે મારા પપ્પાનો જન્મ દિવસ નજીક આવી રહ્યો છે. એ સમયે રાજીવ ગોવામાં હતો. મેં એને ફોન કર્યો અને વાતવાતમાં મેં એને મારા પપ્પાના જન્મદિવસની વાત કરી. રાજીવ મને કહે, ‘મારો ડ્રાઈવર અથવા તો હેલ્પર, તારા પપ્પાને પૈસા પહોંચાડી દેશે, તો તારે ગિફ્ટ આપવાની ચિંતા નહીં.’
પપ્પાના જન્મ દિવસને દિવસે રાતના 2 કે 3 વાગે ભાભી નો ફોન આવ્યો. સાથે એમની દીકરીઓ એટલે મારી ભાણેજ પણ ફોન પર હતી. મને કહે, ‘બાફુઈ, તને ખબર છે આપણા ઘરે કોણ આવેલું?’ એમણે મને ઉત્સાહથી રણકતા અવાજે બધી વાત કરી ત્યારે મને ખબર પડી કે રાજીવ ખંડેલવાલ, પોતે જ, કેક, ફૂલ અને ગિફ્ટ લઈને મારા પપ્પાને જન્મ દિવસ નિમિત્તે wish કરવા ગયેલો. મારી ભાભીએ જણાવ્યું કે એ અડધો કલાક બેઠો હતો અને ઘણી વાતો કરી. એટલું જ નહીં, જતી વખતે મારા પપ્પાને પગે પણ લાગ્યો.
તમે જ હવે બોલો, મને ખરા વ્યક્તિ પર ક્રશ છે કે નહીં?

દુનિયા ફરવી, ફિટ રહેવું અને કુદરતની સાથે રહેવું, બહુ ઓછા કલાકારો માણી શકે છે કે જાણે છે. જયારે રાજીવની સીરીયલની TRP હાઈએસ્ટ હતી અને ત્યારે એણે અંગત કારણોસર સીરીયલ છોડી દીધી. આમ એ કરી શક્યો તે, એના સંયમિત અને મજબૂત મનને આભારી છે. રાજીવ પોતે એક સંવેદનશીલ લેખક પણ છે અને ખૂબ જ સારું લખે છે.  આટલી સમજદારી અને લોકો માટેની કુદરતી સમજણ કોઈ સાચા ક્રીએટીવ વ્યક્તિને જ સહજતાથી મળે છે. જયારે પણ રાજીવની સાથે વાતો કરું તો મને બહુ સમજદાર, પોતાની અંદર આત્મવિશ્વાસસભર અને પ્રેમાળ વ્યક્તિને મળ્યાનો આનંદ આજે પણ થાય છે. ઘણી વાર થાય કે સુશાંતે રાજીવને કે રાજીવ જેવા કોઈ બીજા પોઝીટીવ ને ક્લીયર માઈન્ડેડ માણસને મળવાની જરૂર હતી. કદાચ, પરિણામ જુદું હોત, કોને ખબર?

પ્રેમ કે ફ્રેંડશિપ કે પછી તમે કેટલું કોના માટે, કેટલી કેર કરો છે, એ બોલીને દેખાડવાની જરૂર નથી. બધાં માટે વ્હાલસોયું વર્તન, આંખોમાં ઝલકતી સહુ માટે એક પોતાપણાંની ભાવના અને અસ્તિત્વની આજુબાજુ સાવ સહજતાથી પ્રસરતી રેશમી હળવાશ જ પ્રેમ અને દોસ્તીનું પ્રમાણ આપી દે છે.

આજે એક બીજી વાત પણ, દોસ્તી અને પ્રેમના જ સંદર્ભમાં યાદ આવે છે. વાત તો સાવ નાની છે પણ તમારા સાથે શેર કરવાનું મન છે. મેં મારા પપ્પાની birthday પાર્ટીમાં ઘણા બધાં લોકોને બોલાવેલા, પાર્ટી પતી ગઈ, સહુએ જમી લીધું, પણ, એક વ્યક્તિ મારા જમવાની રાહ જોતી હતી.  દોસ્તોની સરભરામાં મને જમવાનો સમય ના મળ્યો. એ વ્યક્તિ મને હાથમાં ડીશ આપીને કહે, ‘તેં કંઈ જ નથી લીધું, એ મેં જોયું છે. ચાલ સાથે જમીએે.’ મારી મા આવી જ રીતે મારી કાળજી રાખતી. એ વ્યક્તિ બહુ જ ગુણવાન ગાયક અને સંગીતકાર ઉદય મજમુદાર હતા.

LIFE IS BEAUTIFUL BECAUSE OF BEAUTIFUL PEOPLE અને હું આવા ઘણા જ BEAUTIFUL PEOPLE ને જાણું છું એને માટે મારી જાતને બહુ જ ભાગ્યશાળી માનું છું, સાથે ઈશ્વરે મારી જિંદગીમાં આવાં અનેક મિત્રોનો સમાવેશ કર્યો છે એ બદલ આભાર વ્યક્ત કરું છું.

સાચે , જિંદગી કિતની ખૂબસૂરત હૈ!

5 thoughts on “થોડી ખાટી, થોડી મીઠી- જાગૃતિ દેસાઈ શાહ

  1. “પ્રેમ કે ફ્રેંડશિપ કે પછી તમે કેટલું કોના માટે, કેટલી કેર કરો છે, એ બોલીને દેખાડવાની જરૂર નથી. બધાં માટે વ્હાલસોયું વર્તન, આંખોમાં ઝલકતી સહુ માટે એક પોતાપણાંની ભાવના અને અસ્તિત્વની આજુબાજુ સાવ સહજતાથી પ્રસરતી રેશમી હળવાશ જ પ્રેમ અને દોસ્તીનું પ્રમાણ આપી દે છે.”
    આટલી સરળ વાત જાગૃતિબહેન જો સહુને સમજાય તો કદાચ દુનિયામાં આપઘાતનુ પ્રમાણ ખરેખર ઘટી જાય.
    સુશાંતસિહના અકાળ અવસાન પર મારો આ સંદર્ભનો લેખ “મધ્યાહ્ને સૂર્યાસ્ત” જયશ્રીબહેને તરત દાવડાના આંગણામાં મુકી મારી શ્રધ્ધાંજલિ લોકો સુધી પહોંચાડી માટે એમની ખૂબ આભારી છું.
    તમારા મનોરંજન જગતના સિતારાઓ સાથેની મુલાકાતોના લેખ વાંચવાની ખૂબ મઝા આવે છે અને ઘણુ જાણવા મળે છે.
    http://www.smunshaw.wordpress.com

    Like

પ્રતિભાવ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s