લીમડાને આવી ગ્યો તાવ (કૃષ્ણ દવે) ડિસેમ્બર 2, 2019કવિતા/ગીત, કૄષ્ણ દવેlilochhamtahuko લીમડાને આવી ગ્યો તાવ, લીમડાના દાદા ક્યે કહી કહી ને થાકી ગ્યો, જાવ હજી ફાસ્ટફૂડ ખાવ. ટી-શર્ટ ને જીન્સવાળી માંજરી બિલાડી ક્યે આપણને દૂધ નહીં ફાવે ! પીત્ઝા ને બર્ગરની આખ્ખી આ પેઢીને રોટલી ને શાક ક્યાંથી ભાવે ? વર્ષોથી બોટલમાં કેદી થઈ સડતા એ પીણાને પીવો ને પાવ. જાવ હજી ફાસ્ટફૂડ ખાવ. અપ ટુ ડેટ કાગડા ને કાગડીયું માઈકમાં મંડી પડ્યા છે કાંઈ ગાવા ! કંઈ પણ ભીંજાય નહી એવા ખાબોચિયામાં નીકળી પડ્યા છો તમે ન્હાવા ? કૂંપળનાં ગીત લીલાં પડતાં મૂકીને ગાવ રીમિક્સના ગાણાઓ ગાવ. જાવ હજી ફાસ્ટફૂડ ખાવ. કાન એ કંઈ થૂંકવાનો ખૂણો નથી કે નથી પેટ એ કંઈ કોઈનો ઉકરડો, આપણા આ ચહેરા પર બીજાના નખ્ખ શેના મારીને જાય છે ઉઝરડો ? માંદા પડવાનું પોસાય કદિ કોઈને’ય સાંભળ્યા છે ડૉક્ટરના ભાવ ? લીમડાને આવી ગ્યો તાવ લીમડાના દાદા ક્યે કહી કહી ને થાકી ગ્યો, જાવ હજી ફાસ્ટફૂડ ખાવ. -કૄષ્ણ દવે ShareEmailLike this:Like Loading...
વાહ! કૃષ્ણભાઈ, મજા આવી ગઈ. ખૂબ સરસ રજુઆત.
સરયૂ પરીખ
LikeLiked by 1 person
શબ્દો, લય, ભાવ – બધી રીતે મજાનું ગીત.
સરસ રજુઆત.
આભાર
LikeLike
Ekdum mast !
LikeLike