રેખા ભટ્ટીના કાવ્યો


રેખાબહેન ભટ્ટી ભાગનગર સ્થિત સાહિત્યપ્રેમી અને સાહિત્ય સર્જક છે. એમના કાવ્યો અને વાર્તાઓ અનેક ગુજરાતી સામયિકોમાં પ્રસિધ્ધ થઈ ચૂક્યા છે. આકાશવાણી અને દૂરદર્શન ઉપરથી પણ એમણે એમની રચનાઓ રજૂ કરી છે. વિવિધ સાહિત્યને લગતી હરિફાઈઓમાં એમને પુરસ્કારો મળ્યા છે. ભાવનગરની બુધસભાના તેઓ સક્રીય સભ્ય છે. એક ગુજરાતી ફીલ્મની સ્ક્રીપ્ટ પણ લખી છે. ગુજરાત રાજ્ય ચેંબર ઓફ કોમર્સ એન્ડ ઈંડસ્ત્રીઝ તરફથી એમને સાહિત્ય ક્ષેત્રે વિશિષ્ટ પ્રદાન કરવા બદલ  મહિલાઓ માટેનો ગરિમા એવોર્ડ ૨૦૧૭ માં આપવામાં આવેલો.

આજે આંગણાંમાં એમના બે કાવ્યો રજૂ કરૂં છું.

અઢળક વૈભવ

હા; તારા જ મીઠા અને મધુર શબ્દો થકી

હું આટલી સુંદર અને  પ્રકાશિત બની છું

મને ખબર છે કે મારુ હૃદય બહુ નિર્બળ છે

તેથી હું વારંવાર તને જ વળગી પડું છું.

હા; તારા થકી જ મને મૃદુ અને મધુર

આનંદ મળ્યો છે, એટલે જ તો જોને;

મારા બધા જ સ્વપ્નોને પાંખો ફૂટી છે.

મેં હંમેશા જોયું છે કે તારામાં,

આનંદ, પ્રકાશ અને વૈભવ અઢળક ભર્યો છે

તેથી જ હું  ઘનઘોર અંધારે પણ પ્રેમનો

થોડોક અંશ મેળવવામાં હંમેશા સફળ થાવ છું

અને મને મળતા આનંદની સાથે

પીડાના સ્પર્શને હું પચાવી શકું છું.

                                  —-રેખા ભટ્ટી

 

અસ્તિત્વ અને ભાવ ઐક્ય

મારા મધુર અને કર્ણપ્રિય શબ્દો

જયારે તારા હૃદય પર સમી જાય અને પછી

તેનો રણકાર તારા આખા દેહમાં લય પામે

ત્યારે તું જોજે, તને મારી લાગણી, મારા સ્પંદનો,

અને મારો સ્નેહ ચારે બાજુ થી ઘેરી લેશે

જયારે મારી અંદર તારા પ્રેમ પ્રત્યેની લહેરખીઓ

ઉછળી ઉછળીને તારા ચરણે ઢળી જશે ને,

ત્યારે તને મારા પ્રેમનો સાચો સ્પર્શ અનુભવાશે

જયારે મારુ મૃત્યુ મારા દ્વારે આવીને ઉભું રહેશે ને

ત્યારે તો મારુ અસ્તિત્વ અને ભાવ ઐક્ય

બંને તારામાં જ ભળી ગયા હશે

                            —–રેખા ભટ્ટી

1 thought on “રેખા ભટ્ટીના કાવ્યો

  1. રેખા, તમારું સુંદર લખાણ વાચી આનંદ થયો. ભાવનગરી હોવાથી મારા બા ભાગીરથીની યાદમાં “જાહનવિ સ્મૃતિ” કવયિત્રી સંમેલનમાં ભાગ લીધેલ હશે. સરયૂ પરીખ. ઓસ્ટિન, ટેક્સાસ. saryuparikh@yahoo.com

    Like

પ્રતિભાવ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s